المشاركات
هو ده النيل
هو ده النيل
هو ده النيل شامخ بأيامه
شامخ بتاريخه شامخ بأحلامه
هو ده النيل بميته الصافية
بميته الزرقا بميته الدافية
هو ده النيل بعطائه وبخيره
بزاده الفياض يعطينا من عينه
هو ده النيل
لو وصفتك يا نيل وقولت الأقوايل
وبت أمدح فى طميك نهاري عنى يميل
ويومي بيا يطول وأنا بكتب بحرف النيل
اعشق سمارك ولونك الأبيض الميال
على أزرق سماوي بيلمع بنجمة طويلة البال
دايما تنادى عليا تقوللي مزج لنيلك يا شاعر ده أنت عال العال
هو ده النيل
لو يعرفوا قيمتك لو قدروا عزك
لكل يوم من الفجر يحلفوا بمجدك
اللي ده فاهم ومحافظ على هيبتك
ابنك الفلاح وأخوه عامل كفاحك
لون شعرهم اسمر والأحمر بلون خدك
وعرق صابب بجبهة تشبه حروف سدك
تعرف يا نيل الوطن بأحلم بطوفانك
يقسم جسور اللي من البشر يجهلك
وعايش بخيرك سعيد وفي الزحمة ينهبك
ويقول ده قال إيه حاميك من اللي يسرقك
لو يعرف القوانين إن الحقيقة مبدأك
لحط حصوة في عينه وسبيله كان مسلكك
لعل الزرعة تخضر ويعيش جوفه بحلالك
يسير بنك صحيح مش بن محتالك
وهو ده النيل
لو سألتك يا نيل آمتي تنجلي الغمة
لترد ردك صحيح لما تصحصح الأمة
وتقوم رجالها بعيون صقور تقتل بمخالبها
طيب وأيه الفرق ما أحنا كلنا همة
لا أنا قصدي همة شعب كله في العمة
مش كل عمة على رأسها شيلالي ده أزمة
وتقول ده مالي بغيري تبقى دي زمة
لو ربي كان يسمح كنت ده حرمته
من ميتي ويعطش وكنت فطمته
وعرفته مين اللى جانبه يقف ويساعده
أكيد اخوه العربي مش أجنبي رمة
0 Comments:
إرسال تعليق